heaven is a place called key biscayne

ayoss, di ko alam kung pangilang anibersaryo na ng punta naming ni kumag-utol sa key biscayne para manood ng sony-ericsson (na tawag dati ay lipton open, na naging nasdaq 1000, pero ang dapat talaga sa kanya ay key biscayne open). ayann, kinodak (or accurately, ikinoolpix) ko lahat ang mga litratos na yan. isa-isahin natin:

1. pagdating namin nung byernes, 27 de marso (di ako pumasok sa opis, tsura lang), takbo agad kami sa practice court. kita namin dun si sania cutie pie mirza, haynaku, mahabaging chicken tandoori, napaka-cute na bata. dun sa kabilang practice court, kita nyo ba yung nakapulang t-shirt, si gael monfils ng france.

2. unang laro na napanood namin nung byernes ay safin vs hernandez (di ko kilala tong kumag na to, pero may pagka-masokista kasi hinahalibas nya yung bola sa dibdib nya tuwing may unforced error). ngapala, yung kumag sa kanan na naka-cap, si toch yan, utol ko. magaling mag-tennis yan, tsaka mas pogi sa akin.

3. si james going through the motion blake. haynako, ewan ko ba.

4. gilles simon, number 7 in the world. matapos nyang paglaruan si lleyton hewitt, binato nya yung nangangalingasaw nyang twalya sa crowd. ang nakadampot ay teenager na pilipina.

5. paboritong player ni utol, si david nalbandian ng argentina. talo naman, kahit panay ang hiyaw ng mga argentinians sa grandstand, vamo davi!

6. john isner serving against david ferrer. si ferrer ng spain, 5'9. si isner ng usa, 6'9. david ang goliath ang laban. pareho din ang resulta, splondeng si goliath, nagmukang tanga!

7. nakatalikod sa camera (mga bastos, humarap kayo!) sina julien benneteau at jo wilfred tsonga ng france, laban kina daniel nestor (ngaba) at tsaka ewan ko kung sino. papasok sana kami para manood sa court 1, kaso dumaan sa likod namin si gilles simon, hinarang ni utol at kinausap ng french, ayun kinunan ko sila ng litrato, kunyari friends sila.

8. juan martin del potro ng argentina. parang si lastikman ang pagkakabaluktot ng katawan habang nagseserve kay vasallo-arguello ng argentina din. vamo del po!